સ્વાર્થ કાજે

દર્દ મારી ભીતરે છે,
આંખ મારી નીતરે છે,
હો સ્વજન તો શું થયું?
સ્વાર્થ કાજે વેતરે છે.
છે રસમની વાત આતો,
ભાવથી ક્યાં નોતરે છે?
મેં લખેલાં શબ્દ સઘળાં,
જળ પર કેવાં તરે છે?
પ્રેમ કાજે પ્રાણ આપે,
એજ ચીલો ચાતરે છે.
શૈલેષજી બામણિયા ‘શ્યામ’
વીરપુર (ખેડા)

સ્નેહ

હું તૂજને મળ્યા વિના રહી શકતી નથી, છતા
કેમ આજે હું તને મળવા દિલને મનાવું છું?
લાગણી ભરેલા હૃદયમાં હું તો તને
ભીંજવવા
ઈચ્છતી હતી, ભૂલી ગયો છે હવે તું મને,
છતાં કેમ હું તારી યાદમાં સતત
બળવા માંગુ છું?
તૂજને પામવા કરી બેઠી હું ભૂલ,
છતા કેમ હું એ ભૂલ વારંવાર
કરવા માંગુ છું?
નથી કદર મારી તુજને,
છતાં કેમ હું તને ને તને જ ચાહું છું?
શું? હતી મારી ભૂલ કે મારું
નસીબ છીંનવાયુ,
એ ભૂલ ને હું સ્વીકારવા માંગુ છું.
ના કરી શકી આજ સુધી કોઈ
ફરિયાદ એને
પણ આજ ઈશ્વર સમક્ષ એક ફરિયાદ
કરવા માગુ છું.
નહીં મળે એ મૂજને હું જાણું છું છતાં,
કેમ હું એની જ રાહ જોવા માંગુ છું?
એ સ્વીકારી જીવે છે કે ‘નથી હું એની’,
છતા કેમ હું એને મારી જ કરવા માંગુ છું?
તૂજને માટે છીંનવાયુ સન્માન મારું,
છતાં પણ કેમ હું તારી માટે બદનામ થવા માંગુ છું?
પ્રેમને એક રમત કરી રમે છે મારી સાથે,
જાણી હું આ જીંદગી ને છોડવા માગું છું.
જયશ્રી આર. દત્ત
(સીલારોડ, અમદાવાદ)

તમે છો...

મન, મહાસાગરમાં મોજા હરખનાં ઉછાળનાર,
તમે છો!
આંખે, તોરણ આંસુઓનાં બાંધનાર, તમે છો!
હરઘડી, મોસમ યાદોની થઈ, આવનાર તમે છો!
હૃદયે, હેત નાં પુષ્પો, ખિલવનાર, તમે છો!
જીવન મઝધારે, તરણું સંબંધનું આપનાર, તમે છો!
‘પવન’ પાગલ ને ભવસાગર પાર ઉતારનાર,
તમે છો!
ડૉ.પ્રવિણગિરિ ગોસ્વામી ‘‘પવન’’
(પોરબંદર)

ચાહત

જીંદગીની નદીમાં એક તરંગ આવી ને ગઈ
તમારા આવવાથી મારી જીંદગીમાં નવી આશ જાગી ગઈ.
મારી જીંદગી હતી એક સુમશાન
એમા તમારા આવવાની નવી દિશા મળી ગઈ
મારી જીંદગી હતી નિરાશામાં ડુબેલી
તમારા આવવાથી જીંદગીમાં ઉમંગની લહેર આવી ગઈ.
હતું મારું દિલ નિઃશબ્દ હાલતમાં
તમારા આવવાથી મારા દિલમાં હલચલ મચી ગઈ.
આ હલચલ મારી ઊંઘ બગાડી ને ગઈ
મારી જંિદગીમાં ચાહતની તરંગ જગાડી ને ગઈ.
ખબર ના હતી ચાહતની અસર શું થશે?
પણ આ ચાહત મારા દિલમાં ઘર કરી ગઈ.
મારા દિલની ચાહત તમારા દિલ સુધી પહોંચી ગઈ
તમારા દિલને એક સંદેશો આપી ને ગઈ.
મારી ચાહતનો સંદેશો તમને મળી ગયો
ત્યાં આપણા મિલનની ઘડી આવી ગઈ.
મીત વિજયભાઈ ઈરાકર
(અમદાવાદ)