તારી યાદમાં

કેમ વીતે રાત તને કેમ કહું જાનુ
વિરહની એ વાત તને કેમ કહું જાનુ
તારી થકી તો જીવંત છે જીવન મારું
તું કેટલી છે ખાસ તને કેમ કહું જાનું
અપ્સરા પણ તને જોઈ લજ્જાય છે
તું છે રૂપનો અંબાર તને કેમ કહું જાનુ
તારી યાદના દરિયામાં ભટકે છે વ્હાણો
તુજ કિનારાની આશ, તને કેમ કહું જાનુ
દિવસ રાત સવાર સાંજની છે ક્યાં ખબર
હરપલ તું જ સંગાથ તને કેમ કહું જાનું
તારો પ્રેમ જ મારા જીવનની જડીબુટ્ટી છે
નહીં જીરવી શકુ આઘાત તને કેમ કહું જાનુ
ભરત કે. સોલંકી ‘ક્ષિતિજ’
(છીપડી)