ઝરૂખો

‘‘ઝરુખાની મહેફિલ પર
ચાંદ બની તું મલક્યા કરે
જાણે ભવોભવની તરસ છીપાવવા
મૃગ બની તું ભટક્યા કરે
સૂર-તાલની મહેફિલ પર
ગીત બની તું છલક્યા કરે
જાણે હૈયાના કોરા કાગળે
ગઝલ-બની તું મલક્યા કરે
છે આ જીત પ્રીતની
દુઃખ માં પણ તું મહેક્યા કરે
એક સાર શોધવા પ્રીતનો
આમ ‘હું’ને તું ભટક્યા કરે
પરોઢના ઉજાસે ઝાકળ
‘બંિદુ’ બની તું છલક્યા કરે
ને તળકે બચવા રજની
ચાંદ બની તું છટક્યા કરે
હતું બે ઘડીનું સ્વપ્ન ‘રાધે’
એ સ્વપ્નમાં તું ભટક્યા કરે
ઝરુખાની મહેફિલ પર
ચાંદ બની તું મલક્યા કરે
ને હવે તારા વિનાના ઝરુખે
ઘુળધાણીની ધજા ફરક્યા કરે...?’’
પ્રણામી અનિલ ‘રાધે’
(મોડાસા, સાબરકાંઠા)