પ્રેમ તમારો એ જ તો મારી જીંદગીની જરૂરીયાત હતી,
ચાહ્યા તમોને લાખો માંથી બસ એટલી જ વાત હતી
જીવનની ડગર પર આવ્યા ને ગયા કૈંક કેટલાય,
આવશો તમે પણ ઇચ્છા એવી આત્મસાત હતી
...
સોહામણા સમણાઓને આમ ન છીનવો નિર્દયતાથી,
વાગોળવા સ્વપ્નાઓ એ જ મારી મોંઘી સૌગાત હતી
અધુરી આશાઓનો સમંદર વહે છે આંસુ બનીને,
તમે જતા રહ્યા, હું જોતો રહ્યો એ જ મોટી માત હતી
હતો નિમીત માત્ર પ્રેમ તમારો, જીવનની જરૂરીયાતમાં,
ભટકવું અકલુ અટુલુ એવી જન્મથી જ કોઇ ઘાત હતી
બની કવિતા, ગઝલ ધબકો છો હજી હૈયામાં "અશોક"ના,
જીવંત રાખે મને એવી ક્યાં કુદરતમાં પણ ઔકાત હતી?
-અશોકસિંહ વાળા
No comments:
Post a Comment