મળે કે ન મળે

સમયનો સંગાથ મળે કે ન મળે,
તારો સંગાથ મળે તો પણ બસ છે.
દુનિયા થકી મને અમૃત મળે કે ન મળે,
તારા થકી વિષ મળે તો પણ બસ છે.
દુશ્મનો થકી દોસ્તી મળે કે ન મળે,
તારી દુશ્મની મળે તો પણ બસ છે.
કોઈના થકી સ્મિત મળે કે ન મળે,
તારા થકી અસહ્ય દર્દ મળે તો પણ બસ છે.
જિંદગીમાં ફરી તું મળે કે ન મળે,
તારી યાદ મળી છે તે પણ બસ છે.
દિવસમાં દસ-બાર વખત મળે કે ન મળે,

દિલમાં દિલથી એકવાર મળે તો પણ બસ છે.
જીવનમાં ઈશ્વરનાં દર્શન મળે કે ન મળે,
અંતરમાં તારી તસ્વીર મળી છે તે પણ બસ છે.
'ભરત'ને દુનિયાનાં સુખ મળે કે ન મળે,
તારું આછું સ્મિત મળે તો પણ બસ છે.

બી.કે.પરમાર
(સણોસરા)