વિમાસણ

વિમાસણની એવીય ક્ષણો આવી જીવનમાં,
દિલ-ભરી હસી શક્યા નહીં,
આંખો રહે છે કાયમ, અમારી ભીની,
મન-ભરી રડી શક્યા નહીં..!
સામે પડયા'તા જામ ભરેલા,
સાદ લઈ શક્યા નહીં,
ક્યારનુંય, ખખડાવે છે કોઈ હૃદય દ્વાર,
સાદ દઈ શક્યા નહીં...!
આ, નગર-ગલીઓ અજાણી નથી હવે,
આ ધૂળમાં આળોટી શક્યા નહીં,
સામા મળે છે, સો ચહેરાઓ જાણીતા,
બધા સાથે હાથ, મિલાવી શક્યા નહીં..!
વાત નિકળી, પ્રેમ-કે વ્યથાની ક્યારેય,
તો, નજર ફેરવી શક્યા નહીં,
દિલમાં રાખી જાગૃતિ, સદા લહેરાય છે 'પવન'
મહેંક, આપી ગયા દોસ્તીને, કહી શક્યા નહીં...!
ડૉ. પ્રવિણગિરિ ગોસ્વામી 'પવન'  (પોરબંદર)