યુવાની

મુગ્ધાવસ્થાએ ઓઢી લીધી ગુલાબી ઓઢણી યુવાનીની,
ઉપવનમાં ફૂલોએ છડી પુકારી વસંતઋતુની,
ઘંટીનો સુરીલો રણકાર સંભળાઈ રહ્યો હતો મારી વાણીમાં,
રાત્રિનો ઘેરો અંધકાર સમાયો હતો મારા લાંબા-કેશકલાપમાં,
શરમના ભારથી ઝુકી જતા હતા મારા મદ ભર્યા મૃગનયનો,
ઉષાની લાલિમા સાથે હરીફાઈ કરતા હતા મારા રતુંબડા ગાલો,
અર્ધ-ખિલી કળી સમાન ઉઘડતા હતા મારા નાજુક અધરો,
કુદરતના કુશળ ચિત્રકારે ભર્યા હતા મારા અંગોમાં સુંદર રંગો,
દિલમાં રહે છે ડર, કાળની થપ્પડો આ સુંદર ચિત્રને ન કરે ખંડિત,
ઘડપણ આપી ઇશ્વર જ કરશે શું એના સર્જનનો વિનાશ દિલથી કર્યું જેને અંકિત.
ફિઝ્ઝા એમ. આરસીવાલા (મુંબઈ)