પાંપણના પલકારે તારી યાદ આવે છે,
ઝાંઝરના ઝણકારે તારી યાદ આવે છે,
કેમ કરી ભૂલું તુંજ પ્રણય ને જિંદગી,
હૃદયના આ ધબકારે તારી યાદ આવે છે...
રોેમે-રોમમાં વસી ગઈ છો સુગંધ બની,
શ્વાસના આ સીસકારે
તારી યાદ આવે છે...
ભક્તિરસમાં તરબોળ પવિત્ર પ્રેમ પુંજારણ,
આસૃથાના આ સંસ્કારે
તારી યાદ આવે છે...
સોળે કળાએ ખીલેલો ચંદ્ર જાણે વૈભવી,
નિશીથના આ અંધકારે તારી યાદ આવે છે...
એક તારા જ વિચારોમાં બસ ભટકું છું હવે,
એકાંતના આ ભણકારે તારી યાદ આવે છે...
'હેમ' શબ્દો બની છે એ આંખોની અંતાક્ષરી,
કાવ્યના આ અલંકારે તારી યાદ આવે છે...
- હેમંત ચાવડા 'હેમ' - (ભાવનગર)
No comments:
Post a Comment