ઉપમાની ઉડાનને કલ્પનાની કરામત,
સદાય મનને ઢંઢોળતી રહે દિવસ ને રાત,
તવ સંસર્ગની એક એક ક્ષણને સાચવી છે,
શબ્દના સંગાથે શોેભી ઊઠે, કાવ્યની ભાત,
ક્ષણ, સમયને મોસમના નીત-નવા રંગમાં,
નિર્દોષ તવ સ્વભાવની હતી એ જૂદી જાત.
યાદની ચાંદનીમાં વીતી
રહી યુગ સમી રાત,
ઝંખના એક જીવનમાં,
તવ દિદારે ઊગે પ્રભાત.
મિલનને વિયોગ સરખા
હોય શાશ્વત સ્નેહના,
યાદના આસ્વાદમાં મેં જાણી લીધી એ વાત.
- જગમાલ રામ 'સુવાસ' (મુ.ખોરાસા-ગીર)
No comments:
Post a Comment