ઝંખના

તને પામવાની આ કેવી તો ઝંખના છે
જાઉ છું મંદિર મસ્જિદે
પણ નામ સ્મરું છું તારું હું તો
આંખ બંધ કરું છું પથ્થરની મૂરત સમક્ષ
પણ ચહેરો તો તારો જ ઉતરી આવે છે
નજર સમક્ષ
ગુનાહોની કબુલાત કરવા જાઉં છું
દેવતા સમક્ષ
પણ તારું નામ સ્મરીને વધુ એક ગુન્હો
કરતી જાઉં છું તેના સ્મરણની જગ્યાએ
આ તે કેવી ઉલઝન છે મારી?
મત્યુ માગવા ગઈ છું એના દ્વારે
પણ જીવતદાન માગીને આવી તારે કાજે
આ તે કેવી ઉલઝન છે મારી?
તને યાદ કરતા કરતા
હું મારી જાતને વિસરી બેઠી
ગઈ હું એના દ્વારે સજદા કાજે
પણ તને જ ખુદા માનીને સજદો કરી બેઠી
મિનાઝ ફરીદ વસાયા(મહુવા)