તારા ગયા પછી

ગમગીન છે વાતાવરણ, તારા ગયા પછી,
છે આંખોમાં જાગરણ, તારા ગયા પછી.
એ બગીચો પણ ઊભો ઝૂરે છે તારી યાદમાં,
જ્યાં નથી મૂક્યા ચરણ, તારા ગયા પછી.
તારી હાજરી વગર આ પ્રકતિ બંધિયાર છે,
થંભી ગયા નદીઓ-ઝરણ, તારા ગયા પછી.
એક અટકળ જેવું આવીને  ઊભું છે બારણે,
યાદનું છટક્યું હરણ, તારા ગયા પછી.
આ હયાતી એક મરીચિકાનું બીજું નામ છે,
સંભાવના બની ગઈ શરણ, તારા ગયા પછી.
સરકી રહેલા શ્વાસને ના કોઈનો વિશ્વાસ છે,
જિજીવિષાનું છે મરણ, તારા ગયા પછી!!
અકબર બ્લોચ 'અંકુશ' (આરંભડા- મીઠાપુર)