સનમને

તમારી નજરમાં નજર જ્યાં મળી કે,
પ્રણયની અચાનક અસર થઈ ગઈ છે.
ભૂલાઈ ગઈ છે બધી યે આ મોસમ
મહોબ્બતની ઋતુ શરૃ થઈ ગઈ છે.
તમે જો હાજર અમારી સમીપે,
જીવનમાં એ જીવવાની ઉત્તમ ઘડી છે.
તમારા એ સ્મિતથી, અમારા હૃદયમાં
વ્યથામાં યે ઉલ્લાસની ભરતી ચડી છે.
તમે જો હો હાજર આ મહેફિલમાં આજે,
એ મહેફિલમાં રંગત અનેરી ભરી છે.
તમે જો હો સાકી, લઈ આ સુરાહી,
શરાબી બની જિંદગી જીવવી છે.
તમે જો હો સાથી ગરીબીમાં આજે,
અમીરી બધી આ ફિક્કી થઈ ગઈ છે.
અમારી આ ઝૂંપડી, તમે આવવાથી
એ મહેલાતોથી પણ ઊંચી થઈ ગઈ છે.
તમે જો હો સાથે કબરમાં અમારી,
મરણમાં એનરી એ સૌરભ ભરી છે.
અમારી કબર પર, તમારાં બે આંસુ,
એ આંસુની કિંમત ફૂલોથી ઘણી છે.
કિરીટ ઠાકર