આજે ફરીથી સાંજ પડે, દિલ ઉદાસ છે.
છે સાથ તારો આજે, છતાં મન ઉદાસ છે.
છે સાથ તારો આજે, છતાં મન ઉદાસ છે.
ઢળતા સૂરજની લાલી ભરી ચકચૂર છે ગગન,
આછો ઉભરતો ચાંદ ક્ષિતિજે ઉદાસ છે.
આછો ઉભરતો ચાંદ ક્ષિતિજે ઉદાસ છે.
હાથોમાં લઇને હાથ, બસ જોતો રહ્યો તને,
આશ્લેષમાં શ્વાસો તણા સ્પંદન ઉદાસ છે.
આશ્લેષમાં શ્વાસો તણા સ્પંદન ઉદાસ છે.
આ શું જુદા પડી અને મળશું ફરી કદી ?
મિલનમાં હસતી આંખમાં કીકી ઉદાસ છે.
મિલનમાં હસતી આંખમાં કીકી ઉદાસ છે.
પૂજ્યા’તા દેવ કેટલા તેં પામવા મને ?
દઇ ના શક્યો વરદાન, પ્રભુ પણ ઉદાસ છે.
દઇ ના શક્યો વરદાન, પ્રભુ પણ ઉદાસ છે.
- મનોજ મુની
No comments:
Post a Comment