પ્રણયની પ્રથમ ઘડી ફરી માંગુ છું
ઉમંગમાં નિયમો ફરી ફરી ભાંગુ છું
જાણું છું, યાદોમાં ઝૂરવું સહેલું છે
પ્રણયની પીડા, તોયે ફરી માંગુ છું
જાણ્યો છે એટલો માણી માણીને કે
પ્રેમનો બંધાણી થવા ફરી માંગુ છું
માહોલથી ટેવાયો હતો એટલો કે
જીવન-કૈદ નું તાળું હું ફરી માંગુ છું
ભર બપોરે ટાઢા વાયરાની ચાહમાં
એ અગનમાં ઉકળવા ફરી માંગુ છું
પ્રણયને સ્પર્શતાં સંઘર્ષ થયો તોયે
હસતાં હસતાં ફરી ઘસાવા માંગુ છું ... જનક
No comments:
Post a Comment