"સથવારો જુદાઇનો"
-અશોકસિંહ વાળા
ધડકે છે હ્રદય પરંતુ ધડકન એ તમારી છે
આ, ઉછીની ધડકન જ તો અમને પ્યારી છે,
આપ્યું જુઓ ?, ઇશ્કને ખુદાનું બીરૂદ અમે
છે ખબર અમોને તલવાર આ બેધારી છે,
આપી ખુશીઓનો સમથળ સમંદર તમોને
નદી આંસુઓની અમારા તરફ અમે વારી છે,
વિશ્વાસ આપ્યો હતો તમે હરદમ મિલનનો
જીવનમાં જુદાઇ તણો પ્રવાહ તોય જારી છે,
રહ્યું છે મિલન હમેંશા અળગું "અશોક"થી
લઇ સથવારો જુદાઇનો જીંદગી સવાંરી છે
-અશોકસિંહ વાળા
તા.૧૫-૦૨-૨૦૧૨
No comments:
Post a Comment