મજા છે

એની સાથે જીવવામાં મજા છે,
હું યાદ કરું ને એ હિચકી ખાય એમાં મજા છે.
જીવનભર સંગાથ છે એનો પણ...
પ્રેમની બે ક્ષણ વહેંચવામાં મજા છે.
ધોમધખતા તડકામાં એ ફરીને લાલધૂમ થાય છે,
એને રંગીન જોવામાં પણ મજા છે.
એના હૃદયમાં હું જ છું છતાં,
એની સાથે ઝઘડવાની પણ મજા છે.
પ્રેમ એક ઘટના છે જીવનની,
પણ ક્યારેક એની નફરત જોવામાં પણ મજા છે
આમ તો... હવાનો દરેક જથ્થો એની યાદ અપાવે છે,
પણ એની યાદમાં તડપવાની પણ મજા છે.
હવે તો હું શું કહું ‘‘શાયર’’
એની તો દરેક વાતમાં જ મજા છે.
વિનય બી. પ્રજાપતિ (બીલીમોરા)