ચાહું છું તમને

હર પલ તમને યાદ કરી પલ પલ તમારો
વિચાર કરી હું ચાહું છું તમને,
દિલમાં તડપ ભરી તમારો દિદાર કરવાની
આશ કરી હું ચાહું છું તમને,
હોઠો પર તમારું નામ ધરી આંખોને
વરસતી કરી હું ચાહું છું તમને,
ખુદને ગમગીન કરી તમારી યાદોમાં
કેદ થઈ હું ચાહું છું તમને,
ક્યારેક દુનિયાને ભૂલાવી તો ક્યારેક અસ્તિત્વથી
અલગ થઈ હું ચાહું છું તમને,
જ્યારે આવે છે તમારી યાદ ત્યારે ફક્ત
તમને જોવાની આશ કરી હું ચાહું છું તમને,
બસ હવે તો શું કહું તમને?
તમારા પ્રેમમાં વિજયની આશા કરી
આ મનની મનિષાને દિલની વાત કહેવા
આ કવિતાનું સર્જન કરી હું ચાહું છું તમને...!
હર પલ તમને યાદ કરી પલ પલ તમારો
વિચાર કરી હું ચાહું છું તમને...!
વિજય રોહિત
(ખંભાત)