આમ કેમ?

જો અંધારું કરવું હતું
તો પ્રેમનો પ્રકાશ કેમ બતાવ્યો?
મહેફિલની એકલતા બતાવવી હતી
તો સફરમાં સાથ કેમ નીભાવ્યો?
જો સપનાં અઘૂરાં રાખવા હતાં
તો દિલની નજીક કેમ થયાં?
પલકોમાં રહી રડાવ્યાં
તો જુદાઈમાં ખુદ કેમ રડતાં ગયાં?
જો તોડવો હતો વાયદો
તો શીખવાડ્યો કેમ પ્રેમનો કાયદો?
દિલ નથી માગતો
દિલનાં ટુકડા તો આપી દો!
જતાં જતાં આમ કરવાનું
કારણ પણ બતાવી દો!
સ્વપ્નિલ ગૌરાંગ કોન્ટ્રાક્ટર (વડોદરા)