જીગરજાન દોસ્ત

આસું હોય મારી આંખમાં તો એ રડી પડે છે,
મારી એક ખુશી માટે એ બધાં સાથે લડી પડે છે.
મંઝીલનાં એક-એક મુકામે જ્યારે પણ
એની જરૂર પડે છે.
સાથ આપવા મારો એ હંમેશા તૈયાર રહે છે,
ઘણી વાતો આ મન બધાંથી છુપાવવા ઈચ્છે છે.
એ એક છે જે મારી આંખોથી બઘું વાંચી લે છે,
મારી પસંદ, ના પસંદ એનાથી વધારે કોણ જાણે છે?
અવનવા ઉપાયોથી હંમેશા મને ખુશ રાખે છે.
હું હોઉં ખુશમિજાજ માં તો એ પણ મહેંકી ઊઠે છે,
મારી એક હસીમાં પોતાનાં સેંકડો ગમ છુપાવી દે છે.
કેવી છે આ ગાંઠ પ્રીતની જે સાથે ન રહેવા છતાં
પણ બાંધી રાખે છે.
હા.....એજ એની દોસ્તી જે બધાંથી પ્યારી લાગે છે.
જ્યોતિ ઐલેષ ગાંધી
(મોરબી)