મારો ચાંદ ખોવાઈ ગયો

એક નાની-સૂની વાતમાં,
આ હાડકાં વિનાની જીભથી,
એક કર્કશ શબ્દ બોલાઈ ગયો,
મારો વર્ષોનો સંબંધ રેલાઈ ગયો,
જાણે, ચાંદ મારો ખોવાઈ ગયો...
માનતી નથી, જાણતી નથી,
શું કહેવા માગતો હતો હું તને,
મારા સાચા મનનાં શું શબ્દનો,
આખો મર્મ બદલાઈ ગયો,
જાણે, ચાંદ મારો ખોવાઈ ગયો...
કોશિશ કરી ઘણી તને મનાવવાની.
હાથ જોડી,
મારું મન તુંજ ચરણે મૂકી,
આ દિલની સાચી હકીકત કહેવાની,
મારો યાર મુજથી રીસાઈ ગયો.
જાણે, ચાંદ મારો ખોવાઈ ગયો.
- ભરત કાપડિયા
(કલાપીનગર)