વાવાઝોડું નફરતનું

તાજેતરમાં એક મિત્રને થયેલા અનુભવથી આ રચના
નું સર્જન કર્યું છે.

હૃદયમાં ઉઠ્યું વાવાઝોડું નફરતનું,
સમજાવ્યું ના સમજે આ જીદ્દીલું

ઘરમાંજ  ઘાતકી માણસ મળતું ,
કેમ સમજાવું મનને, રહે તું દોહલું

ના રહેવાતું ,ના સહેવાતું
અપમાન  ક્યાં કોઈ  ગમતીલું ?

મન અશ્રુ વરસાદ ના રોકી શકતું
જીવન કોયડો કેમ ઉકેલું ?

યુદ્ધ મન-હૃદય નું મને મુંઝવતું
મન દંડ ને હૃદય માફી દેવા ઘેલું,

અંતે એ જ માણસને કરગરતું
હવે ’પારસ’ આગળ શું બોલું ?

===પારસ હેમાણી===
તા.૦૩/૦૬/૨૦૧૨