યાદ

જ્યારે આંબાવાડીમાં કૂક સંભળાઈ કોયલની
ત્યારે યાદ આવી મને તારા મંજુલ સ્વરની
જ્યારે ઉપવનમાં જોઈ અર્ધખીલી ફૂલોની પાંખડી,
ત્યારે યાદ આવી મને મારા
કંપતા અદ્યરોની મૂકવાણી
ઉષાની લાલિમા હતી તારા ચહેરામાં,
વીજળીની ચમક હતી તારા નયનોમાં,
ઘનઘોર વાદળોનો અંધકાર છુપાયો હતો
તારા શ્યામ કેશકલાપમાં,
પવન કરતા પણ અધિક વેગ હતો
તારી ચાલની રફતારમાં,
જંિદગીની વીણામાં મને સંભળાતી હતી સરગમ,
તારા ઝાંઝરની ઝણકાર સાથે તાલ દેતી હતી
તારા દિલની ધડકન,
પ્રિયે, શોધું છું હું તને હર ગામ અને શહેરમાં,
પળભર માટે પણ ઝલક બનાવી જા મારા સ્વપ્નમાં.
ફિઝ્‌ઝા એમ. આરસીવાલા
(મુંબઈ)