થઈ ગયા

જોતો હતો રાહ એકાંતમાં કેટલાયે વર્ષોથી,
પણ આજ આપના અહીં પગલા થઈ ગયા.
આપને યાદ કરતો રહ્યો આખો દિવસ,
રાત ઢળી ને યાદોના સપના થઈ ગયા.
કેટલાયે દિવસોથી ફુલો પણ રહ્યાં કરમાઈ,
આગમન થયું આપનું ને ફુલો સુગંધીત થઈ ગયા.
બધી જ મંઝીલો અમારા હાથમાં
છે ‘નરેશ’,
તમે આવ્યા અને અમે મુસાફિર થઈ ગયા.
ચાહ્યા હતા આપને દીલોજાનથી બેશૂમાર,
રહી ગઈ’તી શું કમી? તેઓ બેવફા થઈ ગયા!
ઓળખતું ન’તુ અમને આ દુનિયામાં કોઈ,
પણ આપના પ્રતાપે અમે મશહૂર થઈ ગયા.
સંબંધ નથી રાખતા આ સ્વાર્થીલી દુનિયામાં,
પરંતુ આપને જોઈને પ્રેમ કરવા મજબૂર થઈ ગયા.
ગોહેલ નરેશકુમાર એમ.
(પાલીતાણા)