યાદોની વણઝાર

ફાડશે જો મારા દિલને તેઓ
એમાંથી તું સરેઆમ નીકળશે
તારી છબી, તારી ચાહત,
તારી યાદોની વણઝાર નીકળશે.
તારા વગર તારા પર લખી કવિતા
એમાં શું સાર નીકળશે
ચાલ ખુદને ધરું તારી સામે
એમાંથી તું આરપાર નીકળશે.
ખુલ્લી આંખે ખાલી ઘર મારું
બારી ખોલું અંધકાર નીકળશે
સપનાં દેખાડે અરમાન દિલનાં
લાવ, આંખ મીચું સંસાર નીકળશે.
હોઠ પર તારા રાખું ગુલાબ
એમાંથી કોઈ રસધાર નીકળશે
મન તારું રાખજે મનમાં
હસરત દિલની બહાર નીકળશે.
દિલથી દિલને મનાવી તો જો
મિલન કોઈ મજેદાર નીકળશે
બેસ સામે, લખું એક શાયરી
મનમાં ‘જીનું’ ના ખયાલ હજાર નીકળશે.
જીતેન્દ્ર કુમાર ‘જીનું’ (માંડોત્રી-પાટણ)